تھری ڈی فلم’ ٹرانسفارمرز،دی لاسٹ نائٹ‘ کی نمائش جاری

لاس اینجلس ( مانیترنگ ڈیسک) ہولی وڈ کی بلاک بسٹر سائنس فکشن ایکشن سیریزٹرانسفارمرز سلسلے کی پانچویں فلم ٹرانسفارمرز فائیو ’ٹرانسفارمز:دی لاسٹ نائٹ‘کافائنل ٹریلرجاری کردیا گیا ہے جو نمائش کیلئے بھی پیش کر دی گئی ہے۔ہولی وڈ کے نامور ہدایت کارمائیکل بے کی سائنس فکشن ،ایکشن، ایڈونچر اور فینٹسی سے بھرپور اس فلم میں گزشتہ حصے کی طرح اس باربھی مائیکل واہلبرگ مرکزی کردارادا کرتے نظر آئینگے۔ دیوہیکل روبوٹس کے ذریعے انسانوں کی دنیا میں تباہی مچاتی شیطانی طاقتوں کیخلاف جنگ کے گرد گھومتی ٹرانسفامرز سیریز کے پانچویں حصے میں واہلبرگ سمیت اسٹیفن مرچنٹ، جیف پنکنر،ایزابیلا مونر، جین ڈوجاردن، پیٹر جولن اور جیروڈکارمی کل اہم کردارادا کررہے ہیں۔ایگزیکٹو پروڈیوسر اسٹیون اسپلبرگ کی یہ تھری ڈی سائنس فکشن ایکشن فلم پیرا ماؤنٹ پکچرز کے تحت آج یعنی 23جون کوامریکی سینما گھروں کی زینت بنے گی۔