ایک شہر میں دو جلسے عمران خان دو پارٹی دھڑوں میں پھنس گئے ،تحریک انصاف مکمل طور پر یکجا ہے،ترجمان

22 ستمبر ، 2017

اسلام آباد،جہلم(خبر نگار،آئی این پی)ایک شہر میں دو جلسے عمران خان اپنے دو پارٹی دھڑوں میں پھنس گئے ۔ چیئرمین پی ٹی آئی کی جہلم آمد دو کزن فواد چوہدری اور چوہدری ثقلین کی مخاصمت پر دو جلسے ہو ئے۔عمران خان نے پہلے فواد چوہدری کے علاقے لدھڑ میں جلسہ کیا لدھڑ میں فواد چوہدری کے جلسے کو ورکرز کنونشن کا نام دیا۔ جہلم کے علاقے میں ہونے والے فواد چوہدری کے جلسے کو ورکرزکنونشن اور دینہ میں ہونے والے چوہدری ثقلین کے جلسے کو جلسہ قراردے دیا گیا ۔ پپو اب تو ادھر آجا ،دینہ میں اسٹیج پر دہائیاں سارا شہر امڈ آیا ۔

دریں اثناء ترجمان پی ٹی آئی نے ایک بیان میں کہا ہے کہ تحریک انصاف مکمل طور پر یکجا اور نئے پاکستان کی تعمیر میں یکسو ہے۔ ایک ہی دن میں ایک سے زائد پروگراموں سے چیئرمین تحریک انصاف کا خطاب نئی بات نہیں ۔ ملک کے کونے کونے سے عوام اپنے محبوب قائد کو مدعو کرنا چاہتے ہیں۔ ظہرانے میں شرکت ، ورکرز کنونشن اور جلسہ عام سے خطاب سب معمول کے مطابق تھا ۔ اختلاف اور تقسیم کی خبریں تراشنے والوں کے ہاتھ شرمندگی کے سوا کچھ نہیں آئے گا۔

تازہ ترین