اسلام آباد، پنڈی کیلئے ٹریفک پولیس کا پلان جاری

October 23, 2021


کالعدم جماعت کے اسلام آباد کی جانب لانگ مارچ کے باعث شہریوں کو آمد و رفت میں پریشانی سے بچانے کے لیے ٹریفک پولیس نے پلان جاری کر دیا۔

ٹریفک پولیس کے ترجمان کا کہنا ہے کہ شہری ریڈ زون میں داخلے اور باہر نکلنے کے لیے نادرا چوک اور ایوب چوک استعمال کر سکتے ہیں۔

ترجمان ٹریفک پولیس کے مطابق مری روڈ پر فیض آباد سے پہلے اور راول ڈیم چوک سے فیض آباد تک ٹریفک کے لیے بند ہے۔

ٹریفک پولیس کے ترجمان نے بتایا ہے کہ پارک روڈ، ترامڑی چوک اور لہترار روڈ کو اسلام آباد ہائی وے تک پہنچنے کے لیے استعمال کیا جا سکتا ہے۔

ترجمان ٹریفک پولیس کا یہ بھی کہنا ہے کہ سری نگر ہائی وے، نائنتھ ایونیو اور آئی جے پی روڈ راولپنڈی پہنچنے کے لیے استعمال کیا جا سکتا ہے۔