میری بہن جعلی یا مغرور نہیں، ہم نے بڑی جدوجہد سے کیریئر بنایا، شلپا شیٹھی

November 29, 2021

متنازع ریئلیٹی شو بگ باس 15 میں حال ہی میں بالی ووڈ کی معروف اداکارہ نیہا دھوپیا بطور مہمان شریک ہوئیں، اس موقع پر انھوں نے مقابلے کے شرکا سے ان کے بگ باس 15 کے سفر یا شرکت کے بارے میں سوال پوچھا۔

جس پر شمیتا شیٹی نے اپنے خیالات کا اظہار کرتے ہوئے کہا کہ تعلقات ان کی زندگی میں نہایت اہم ہیں، تاہم اگر ان میں تلخی ہو تو پھر وہ اس سے متاثر ہوتی ہیں۔

ان کے مطابق وہ اس وقت اداسی محسوس کرتی ہیں، یہاں پر مضبوط اور بہت زیادہ دیگر جذبات بھی ہوتے ہیں۔ لیکن ایک بات پر وہ بالکل راسخ تھیں کہبگ باس 15 ہاؤس نے لوگوں کی شخصیات کو کافی مضبوط کیا ہے۔

اس پر ان کی بہن اور بالی ووڈ کی معروف اداکارہ شلپا شیٹی اپنے جذبات پر قابو نہ رکھ سکیں اور انھوں نے انسٹاگرام پر ایک تعریفی پوسٹ تحریر کی اور کہا کہ شمیتا کو غلط سمجھا گیا ہے، میری بہن بڑی بہادر اور فائٹر ہے۔

افسوس کی بات یہ ہے کہ لوگ ان کے اس رویے کو غرور سمجھتے ہیں، اس کی وجہ یہ بھی ہے کہ لوگ سمجھتے ہیں کہ شمیتا مراعات یافتہ یا پھر جعلی ہے، اور انکی اپنی کوئی رائے نہیں ہے۔ یا پھر یہ اپنا ذہن استعمال نہیں کرتی ہیں۔

یہ بات بالکل غلط ہے۔ میں یہ بات بنا کسی تعصب کے کہہ رہی ہوں اس لیے نہیں کہ یہ میری چھوٹی بہن ہے، بلکہ بگ باس کی ایک دیکھنے والے کی حیثیت سے بھی کہہ رہی ہوں، اسے صرف اسلیے نشانہ بنایا گیا کہ یہ ذرا جذباتی ہے۔ یہ مکمل طور پر خود پر انحصار کرتی ہے۔

ان کا مزید کہنا تھا کہ وہ کسی دولت مند گھرانے میں پیدا نہیں ہوئے ہم دونوں کو یہ مقام حاصل کرنے کے لیے سخت محنت اور جدوجہد کرنا پڑی ہے۔