شوبز شخصیات کی سیالکوٹ واقعے کی مذمت

December 04, 2021

پاکستانی شوبز شخصیات کی جانب سے سیالکوٹ واقعے کی شدید مذمت کی گئی ہے۔

معروف اداکار و میزبان فیصل قریشی نے کہا کہ اب نہیں کوئی بات خطرے کی، اب سب کو خطرہ ہے۔

فیصل قریشی نے کہا کہ اس شرمناک واقعے سے پوری پاکستانی قوم شرمندہ ہے۔

گلوکار عاصم اظہر نے کہا کہ اللّہ تعالیٰ ہمیں سوجھ بوجھ، انسانیت اور برداشت عطا فرما ئے۔

مہوش حیات نے کہا کہ ایسا انسانیت سوز واقعہ ہوا ہمارے سر شرم سے جھک گئے۔

صفِ اوّل اداکارہ ماہرہ خان نے وزیراعظم عمران خان سے مخاطب ہوتے ہوئے پوچھا کہ ’اس شرمناک واقعے پر جواب دیں، کون دے گا انصاف؟

واضح رہے کہ گزشتہ روز سیالکوٹ میں نجی فیکٹری کا سری لنکن منیجر فیکٹری ملازمین کے تشدد سے ہلاک ہوگیا تھا، مشتعل افراد نے لاش کو سڑک پر گھسیٹا اور آگ لگادی گئی تھی۔

مشتعل افراد کا دعویٰ ہے کہ مقتول نے مبینہ طور پر مذہبی جذبات مجروح کیے تھے، مشتعل افراد نے فیکٹری میں توڑ پھوڑ بھی کی۔