سیکریٹری صحت بلوچستان نور الحق بلوچ کا کہنا ہے کہ مانتا ہوں کہ صوبے کے اسپتالوں میں طبی سہولتیں زیادہ ہونی چاہئیں۔
یہ بات صوبۂ بلوچستان کے سیکریٹری صحت نور الحق بلوچ نے میڈیا سے گفتگو کرتے ہوئے کہی۔
انہوں نے بتایا کہ بلوچستان میں 8 کارڈیک انسٹی ٹیوٹ کھولے جائیں گے، صوبے بھر کے تمام اسپتالوں میں سہولتیں پہنچائیں گے۔
نور الحق بلوچ کا یہ بھی کہنا ہے کہ حکومت نے ینگ ڈاکٹرز کے معاملے پر ایک کمیٹی بنائی ہے، ان کے مسائل جلد حل ہو جائیں گے۔