فرمان الہی
نماز کے اوقات
پابندی کے باوجود ملک میں دوبارہ قابلِ استعمال سرنجز کی فروخت جاری ہے جبکہ جعلی auto disable سرنجز بھی مارکیٹ میں موجود ہیں جن کا ایک سے زائد بار استعمال ممکن ہے۔
دی نیوز میں شائع ہونے والی رپورٹ کے مطابق پیکنگ پر آٹو ڈس ایبل لکھ کر اندر دوبارہ قابلِ استعمال سرنجز فروخت کی جا رہی ہیں۔
دی نیوز نے پشاور، ملتان اور جیکب آباد سمیت مختلف شہروں سے دوبارہ قابلِ استعمال سرنجز حاصل کر لی ہیں۔
علاوہ ازیں خیبر پختون خوا کے گدون امازئی انڈسٹریل زون میں زیادہ تر قابلِ استعمال سرنجز کی تیاری اور ترسیل کا انکشاف ہوا ہے۔
ذرائع کے مطابق اتائی 50 اور 100 روپے میں انجکشن لگانے کے لیے ایک ہی سرنج بار بار استعمال کرتے ہیں۔
ماہرین کے مطابق جعلی سرنجز کا استعمال بھی انفیکشن کنٹرول نظام کو غیر مؤثر بنا رہا ہے۔
ڈریپ کا کہنا ہے کہ پابندی کے باوجود سرنجز کی فروخت پر ایکشن لیں گے۔
