کچھ نہ کرنے کے اخراجات (cost of doing nothing)عالمی معیشت سے کاربن ختم کرنے کے اخراجات سے کہیں زیادہ ہیں، جو صنعتی انقلاب کے بعد سے فوسل فیول سے چل رہی ہے۔ یہ آج خود واضح ہے کہ دنیا بھر میں روزانہ کی بنیاد پر تباہ کن آگ اور سیلاب ہمیں یاددہانی کروارہے ہیں کہ ماحولیاتی تبدیلی پر مسلسل بے عملی کتنی مہنگی ہے۔
ماحولیاتی تبدیلی کی اقتصادیات پر 2006ء کا جائزہ، وہ پہلا موقع تھا جب کسی G7حکومت نے گرین ہاؤس گیسوں کے اخراج کو فوری طور پر کم کرنے کے معاملے کو واضح کرنے کے لیے اقتصادی تجزیے کا استعمال کیا تھا۔ اقتصادی ماہرین کے مطابق 15سال بعد، اس کے نتائج اور سفارشات ہمیشہ کی طرح آج بھی درست ہیں۔ اس جائزے نے تبدیلی کے سوالات کے جوابات دینے کے لیے روایتی اقتصادی ماڈلنگ کے استعمال کی حدود کو بھی بے نقاب کیا۔ اس نے متضاد نتائج اخذ کرنے کے لیے ماہرین اقتصادیات کے درمیان ایک غیر صحت بخش دوڑ کو اپنی لاگت کا اندازہ لگانے کی ترغیب دی۔
یہ معاشیات میں ایک طویل مسئلہ کی طرف اشارہ کرتا ہے۔ روایتی ماڈل فرض کرتے ہیں کہ ماہرین اقتصادیات کو پہلے ہی معلوم ہو جاتا ہے کہ مستقبل میں نئی ٹیکنالوجیز، ترجیحات اور طرز عمل کی قیمت کیا ہو گی۔ یہ وہ چیزیں ہیں جو کسی بھی سبز منتقلی کی قیمت کا تعین کریں گی۔ دوسرے لفظوں میں، جن چیزوں میں ہم سب سے زیادہ دلچسپی رکھتے ہیں، ان کے بارے میں ہمارے تخمینے ان مفروضوں سے پہلے سے طے شدہ ہیں جو شاید درست نہ ہوں۔
حقیقت یہ ہے کہ ’’جامد لاگت کے فائدہ کا تجزیہ‘‘ (static cost benefit analysis) نامی تکنیک کو صرف ماحولیاتی تبدیلیوں سے نمٹنے میں شامل بڑے خطرات اور تبدیلیوں کا اندازہ لگانے کے لیے ڈیزائن نہیں کیا گیا تھا۔ یہ اس لیے اہمیت رکھتا ہے کیونکہ روایتی نقطہ نظر نے مسلسل ماحولیاتی تبدیلی کے خطرات کو کم کیا ہے اور کم کاربن کی منتقلی کے اخراجات کو بڑھاوا دیا ہے، یوں پالیسی کارروائی میں تاخیر ہوتی ہے۔
نظامی منتقلی (systemic transition) کی لاگت کی پیشن گوئی انتہائی پیچیدہ ہے۔ نئی، صاف ستھری ٹیکنالوجیز کو ابتدائی طور پر اپنانا پوری معیشت میں تخلیقی صلاحیتوں اور اختراعات کو ابھارتا اور اس دوران کچھ نیا سیکھنے اور تجربے کو جنم دیتا ہے۔ یہ دریافت اور پیداوار میں اکانومیز آف اسکیل کو بے نقاب کرتا ہے کیونکہ کاروبار زیادہ چالاکی اور مؤثر طریقے سے چیزوں کو بناتے اور تقسیم کرتے ہیں، اور یوںڈرامائی طور پر اخراجات کم ہوتے ہیں۔ اس کے نتیجے میں نئی ٹیکنالوجیز کا استعمال اور بھی زیادہ پُرکشش ہوتا ہے، جس سے جدت، سرمایہ کاری اورکم ہوتی لاگت کا ایک نیا سلسلہ شروع ہوتا ہے۔
سولر پینلز سے بجلی پیدا کرنے اور اسے لیتھیم آئن بیٹریوں میں ذخیرہ کرنے کی لاگت پچھلی دہائی کے دوران 80فیصد سے زیادہ کم ہوئی ہے۔ کاربن کو کم کرنے کی ضرورت سے قطع نظر، لوگ اب سستی بجلی اور بہتر کارکردگی دکھانے والی کاروں سے فائدہ اٹھانے کے لیے تیار ہیں۔ ماہرین اقتصادیات نے کبھی اس کی پیشین گوئی نہیں کی تھی اور اکیلے مارکیٹس نے اسے کبھی نہیں ڈیلیور کیا ہوگا۔
درحقیقت، قابل تجدید توانائی پیدا کرنے کی صلاحیت ہر کسی کی توقع سے زیادہ تیزی سے بڑھی، کیونکہ قابل تجدید ذرائع کو انسٹال کرنے اور چلانے کے اخراجات میں تیزی سے کمی آئی۔ اور اخراجات میں تیزی سے کمی اس لیے آئی کیونکہ صلاحیت ہر کسی کی توقع سے زیادہ تیزی سے بڑھی۔ روایتی اقتصادی ماڈل ان توسیع دینے والے تاثرات (امپلیفائنگ فیڈ بیکس)کے ذریعے سے پیدا ہونے والی عدم استحکام کی حرکیات کا مقابلہ نہیں کر سکتے، اس لیے وہ تیزی سے لاگت میں کٹوتی کے ساتھ ساتھ ان کو مکمل طور پر کھو دیتے ہیں۔ نتیجے کے طور پر، معیاری اقتصادی اور توانائی کی پیشن گوئی کرنے والے ماڈل کئی دہائیوں سے واضح طور پر غلط رہے ہیں۔
سیلف فل فلنگ پروفیسی
لاگت کے فوائد کا کوئی تجزیہ اس سوال کا مناسب جواب نہیں دے سکتا کہ ’’طویل مدت میں کاربن کو ختم کرنے کی کیا لاگت آئے گی؟‘‘ اس کے جواب کا انحصار آج اور مستقبل میں کیے گئے انتخاب اور اقدامات پر ہے۔ ایک بار نقطہ احساس تک پہنچ جانے کے بعد، اس طرح کی تقویت دینے والے تاثرات نئے ٹیکنالوجی نیٹ ورکس میں منتقلی کو خود پَرور (Self-sustaining)عمل بنا دیتے ہیں۔
اگر لوگ توقع کرتے ہیں کہ کم کاربن کی منتقلی نفع بخش ہوگی، تو وہ اس میں سرمایہ کاری کریں گے۔ اس طرح، تیزی سے تبدیلی کی توقعات سیلف فل فلنگ ہوجاتی ہیں۔ یہ سرمایہ کاروں اور کمپنیوں کو اعتماد فراہم کرنے کے لیے قابل بھروسہ اور پیشین گوئی کرنے والی حکومتی پالیسی کو اہم بناتا ہے کہ کاربن میںکمی والا مستقبل منافع بخش ہوگا۔
صاف توانائی کی منتقلی کے لیے بلند نظر پالیسی بالآخر بے لاگ ہو سکتی ہے۔ ابتدائی سرمایہ کاری اخراجات کے بعد، یہ ممکنہ طور پر کافی بچت کا باعث بنے گا۔ اور ایک بار جب کلین انوویشن مشین آن کر دی جائے اور یہ چل رہی ہو تو اس میں روایتی متبادل کے مقابلے زیادہ مؤثر، اختراعی اور نتیجہ خیز بننے کی صلاحیت موجود ہے۔ خلل ڈالنے والی ٹیکنالوجیز کی قیمتوں کو انتہائی کم کرنے سے، نئے شعبوں میں ترقی کا پیداواری نمو پر مثبت اثر پڑے گا۔
غلط معاشی ٹولز کا استعمال کرتے ہوئے مستقبل کی پیشین گوئی کرنے کی بے نتیجہ کوشش کرنے کے بجائے، ہمارے مفادات اس کو چلانے اور ڈیزائن کرنے کی کوشش میں بہتر طور پر پورے ہوتے ہیں۔ معاشیات کا پیشہ اس خطرے اور غیر یقینی صورتحال سے نمٹنے کے لیے بہتر پوزیشن میں ہے۔
ماحولیاتی تبدیلی کی اقتصادیات پر جائزے کے پندرہ سال بعد، یہ بات کہی جاسکتی ہے کہ عمل کرنے کے خطرات بے عملی کے خطرات سے کہیں کم ہیں۔ عالمی برادری کے پاس ایک صاف ستھرا، زیادہ محفوظ اور پائیدار بلکہ زیادہ مؤثر، اختراعی اور پیداواری معیشت کو ’سیلف فل فلنگ پروفیسی‘ بنانے کا اختیار ہے۔