فرمان الہی
نماز کے اوقات
بھارت میں آپریشن سندور میں ہلاک فوجیوں کو اعزازات دینے کا فیصلہ کر لیا گیا۔
سیکیورٹی ذرائع کے مطابق پاکستان کے خلاف آپریشن سندور میں ہلاکتوں کو تسلیم نہ کرنے پر بھارتی فوج پر شدید اندورنی دباؤ ہے۔
بھارت آپریشن سندور میں بھارتی فوج کو بھاری نقصان اٹھانا پڑا تھا، حکومت اور فوج ہزیمت سے بچنے کے لیے اسے چھپاتی رہی ہے۔
مصدقہ اطلاعات کے مطابق صرف لائن آف کنٹرول (ایل او سی) پر بھارتی فوج کی 250 سے زائد ہلاکتیں ہوئیں۔
سیکیورٹی ذرائع کے مطابق بھارتی فوج نے آپریشن سندور میں ہلاک بھارتی فوجیوں کو اعزازات دینے کا فیصلہ کیا ہے۔
ذرائع کے مطابق جن فوجیوں کو اعزازات دینے کا فیصلہ کیا ہے ان میں بھارتی فضائیہ کے ہلاک 4 پائلٹس جن میں 3 رافیل طیاروں کے پائلٹس بھی شامل ہیں۔
ذرائع کے مطابق آدم پور ایئر بیس پر تباہ ہوئے جدید دفاعی نظام ایس 400 کے 5 آپریٹرز بھی مارے گئے تھے، انہیں بھی اعزازات دیے جائیں گے۔
سیکیورٹی ذرائع کے مطابق ادھم پور ایئر بیس بشمول ایئر ڈیفنس یونٹ کے 9 ہلاک اہلکاروں کو بھی فوجی اعزازات دینے کا فیصلہ کیا گیا ہے۔
ذرائع کے مطابق ایوی ایشن بیس راجوڑی میں 2، اڑی سپلائی ڈپو کے او سی سمیت 4 بھارتی فوج ہلاک ہوئے، یہ بھی اعزازی لسٹ کا حصہ ہیں۔
بین الاقوامی میڈیا رپورٹس کے مطابق پٹھان کوٹ اور ادھم پور سمیت پاکستان کے متعدد مؤثر حملوں کے بعد بھارت سیز فائر پر مجبور ہوا تھا۔
سیکیورٹی ذرائع کے مطابق پاکستان سے جنگ میں مارے جانے والے بھارتی فوجیوں کے لواحقین پر اپنے پیاروں کی تصاویر سوشل میڈیا پر شیئر نہ کرنے کا دباؤ ہے۔
ذرائع کے مطابق نریندر مودی سرکار پٹھان کوٹ اور ادھم پور بیسز پر نقصانات کی تردید کرتی رہی ہے، وہ آج بھی ہزیمت چھپانے کے لیے فوجی نقصانات بتانے سے گریزاں ہے۔
سیکیورٹی ذرائع کے مطابق بھارت نے آپریشن سندور کے دوران فوجی ہلاکتیں تسلیم نہیں کیں تو اب اندرونی دباؤ پر انہیں اعزازات کیوں دیے جارہے ہیں؟
