بالی ووڈ کی معروف اداکارہ پریانکا چوپڑا نے حال ہی میں انڈین ہوم ویئر لائن ’سونا ہوم‘ کے نام سے لانچ کی ہے جس کے باعث انہیں شدید تنقید کا نشانہ بنایا جا رہا ہے۔
عالمی شہرت یافتہ اداکارہ پریانکا چوپڑا نے امریکا میں ہندوستانی برتنوں کے کاروبار کا آغاز کیا ہے، انہوں نے اپنے انسٹاگرام اکاونٹ کے ذریعے یہ خبر صارفین کو دی اور بھارت سے امریکا منتقل ہونے پر اپنے جذبات کا اظہار بھی کیا۔
سوشل میڈیا صارفین سونا ہوم ویئر کی لانچ کے ساتھ ہی پریانکاچوپڑا کو مہنگی مصنوعات کے باعث شدید تنقید کا نشانہ بنا رہے ہیں۔
سونا ہوم ویئر کی آفیشل ویب سائٹ کے مطابق ایک ٹیبل کلاتھ کی قیمت 30 ہزار سے زائد بھارتی روپے ہیں جبکہ چار نیپکن کے ایک سیٹ کی قیمت بھارتی 13 ہزار سے زائد ہے۔
ناقابل یقین مہنگی مصنوعات کے باعث سوشل میڈیا صارفین اداکارہ سے ناراض نظر آرہے ہیں اور انہیں تنقید کا نشانہ بنارہے ہیں۔