ارسلان خالد کا مبینہ آڈیو کی تصدیق یا تردید سے انکار

July 03, 2022

فوٹو: فائل

پاکستان تحریک انصاف (پی ٹی آئی) سوشل میڈیا ہیڈ ارسلان خالد نے مبینہ آڈیو کی تصدیق یا تردید کرنے سے انکار کردیا۔

جیو نیوز کے پروگرام ’نیا پاکستان‘ کے میزبان شہزاد اقبال نے انکشاف کیا کہ انہوں نے ارسلان خالد سے مبینہ آڈیو سے متعلق رابطہ کیا تھا۔

انہوں نے دورانِ پروگرام بتایا کہ پی ٹی آئی کی سوشل میڈیا ٹیم کے سربراہ ارسلان خالد سے بشریٰ بی بی اور اُن سے منسوب مبینہ آڈیو سے متعلق بات کی ہے۔

ارسلان خالد نے شو کے میزبان سے استفسار کیا کہ وہ اس پر ردعمل کیوں دیں؟ سوال تو اُن سے پوچھنا چاہیے، جو اس قسم کی چیزیں لیک کرتے ہیں یا جو آڈیو اور ویڈیو کو مکس کرنے کا کام کرتے ہیں۔