بیرونی سرمایہ کاری کے تحفظ کا بل اتفاق رائے سے منظور

August 15, 2022

قومی اسمبلی میں بیرونی سرمایہ کاری کے تحفظ کا بل اتفاق رائے سے منظور کرلیا گیا۔

قومی اسمبلی کی قائمہ کمیٹی قانون و انصاف نے سرمایہ کاری کے تحفظ کے لیے قانون میں ترمیم کی منظوری دے دی۔ منظور کی گئی ترمیم کے مطابق بیرونی سرمایہ کاری کو کسی عدالت میں چیلنج نہیں کیا جا سکے گا۔

وزیر قانون اعظم نذیر تارڑ نے کہا ہے کہ اس بل کا مقصد ملک میں سرمایہ کاری بڑھانا ہے، دبئی ریگستان تھا سرمایہ کاری کے ذریعے دبئی نے ترقی کی۔

عبدالقادر پٹیل نے کہا کہ قانون سازی نہ ہونے کے سبب ملک میں سرمایہ کاری نہیں ہوتی۔

وزیر قانون نے کہا کہ غیر ملکی سرمایہ کاری پر نیب کو لگا دیں ملک مکمل دیوالیہ ہوجائے گا، سی پیک معاہدہ بھی کسی کو نہیں دکھایا گیا، ملک کے ساتھ ملک کا معاہدہ سربمہر ہوتا ہے۔

انہوں نے کہا کہ آئل ریفائنری اور گوادر میں بیرون ملک سے سرمایہ کاری آسکتی ہے، ہم نے قانون کا ڈرافٹ بنانے سے قبل 20 ممالک کے قوانین کا موازنہ کیا۔