کراچی میں ابوالحسن اصفہانی روڈ پر بینک کے باہر ڈکیتی کی واردات کے دوران ملزمان پیٹرول پمپ کے کیشیئر سے 80 لاکھ روپے لوٹ کر لے گئے۔
ملزمان کے فرار ہونے کی سی سی ٹی وی ویڈیو سامنے آ گئی۔
ایس ایس پی ایسٹ عبدالرحیم شیرازی کے مطابق مسلح ملزمان بینک کے باہر سے کیشئر سے 80 لاکھ روپے لوٹ کر فرار ہوئے۔
ایس ایس پی کے مطابق پیٹرول پمپ اور بینک کے درمیان 300 سے 400 میٹر تک کا فاصلہ ہے، آس پاس سے سی سی ٹی وی اور دیگر شواہد اکٹھے کر رہے ہیں۔
ایس ایس پی ایسٹ کا کہنا تھا کہ ملزمان کی گرفتاری کے لیے اطراف کے علاقے کی تلاشی جاری ہے۔