امریکی شہر لاس ویگاس میں چاقو کے وار کرکے دو افراد کو ہلاک جبکہ 6 کو زخمی کرنے والا ملزم گرفتار کرلیا گیا۔
لاس ویگاس پولیس کے مطابق متاثرین میں سیاح اور مقامی شہری شامل تھے۔
ملزم کی شناخت ہسپانوی شخص کے طور پر ہوئی جو علاقے کا رہائشی نہیں ہے۔
ملزم نے واردات میں بڑی چھری استعمال کی اور اسے حملوں کے فوری بعد گرفتار کرلیا گیا۔
پولیس کا کہنا ہے کہ 6 زخمیوں کو اسپتال لے جایا گیا جن میں سے 3 کی حالت تشویشناک ہے۔