عمران خان کو اتنی جرات تھی تو اقتدار میں رہتے ہوئے یہ باتیں کرتے، خرم دستگیر

December 05, 2022

وفاقی وزیر توانائی خرم دستگیر کا کہنا ہے کہ عمران خان جب حکومت میں تھے تب یہ غلطیوں کی باتیں نہیں کرتے تھے، عمران خان کو اتنی جرات تھی تو اقتدار میں رہتے ہوئے یہ باتیں کرتے۔

جیو نیوز کے پروگرام ’کیپٹل ٹاک‘ میں گفتگو کرتے ہوئے خرم دستگیر نے کہا کہ عمران خان نے 35 پنکچرز کا الزام لگایا پھر کہا سیاسی بیان تھا۔

خرم دستگیر نے کہا کہ عمران خان کہتے ہیں نیب ان کے ہاتھ میں نہیں تھا، حکومت ان کے ہاتھ میں نہیں تھی، عمران خان بے ساکھیوں کے سہارے اقتدار میں آئے۔

وفاقی وزیر نے مزید کہا کہ عمران خان کا غلطیوں کا اعتراف نہیں اپنی ذمہ داریوں سے فرار ہونا ہے۔