چین کے صدر شی جن پنگ سعودی عرب کے فرمانروا شاہ سلمان بن عبدالعزیز کی دعوت پر تین روزہ سرکاری دورے پر دارالحکومت ریاض پہنچ گئے۔
سعودی عرب کی شاہی فضائیہ کے لڑاکا طیاروں نے چینی صدر کے طیارے کا ملکی فضا میں استقبال کرکے ریاض کے ہوائی اڈے تک پہنچایا۔
گورنر ریاض شہزادہ فیصل بن بندر بن عبدالعزیز اور سعودی وزیر خارجہ شہزادہ فیصل بن فرحان نے چینی صدر کا ہوائی اڈے پر پرتباک استقبال کیا۔
اس دوران مہمان صدر کو توپوں کی سلامی دی گئی۔ جبکہ دارالحکومت ریاض کی شاہراہوں پر سعودی اور چینی پرچم لہرائے گئے۔
چینی صدر شی جن پنگ ریاض میں تین اہم سربراہی اجلاسوں میں شرکت کریں گے۔
عرب ٹی وی کے مطابق پاکستان سمیت کمبوڈیا، انڈونیشیا اور سنیگال کے اعلیٰ سطح کے وفود بھی ان اجلاسوں میں شرکت کریں گے۔