جاپان کے جنوب مغربی سمندر میں ڈوبنے والے مال بردار جہاز کے عملے کے 13 افراد کو بچالیا گیا جبکہ 9 کی تلاش تاحال جاری ہے۔
غیر ملکی خبر رساں ایجنسی کے مطابق جاپانی کوسٹ گارڈز کا کہنا ہے کہ حادثہ سمندر میں طوفانی ہواؤں کے باعث پیش آیا جس کے نتیجے میں مال بردار جہاز ڈوب گیا۔
مال بردار جہاز کے عملے کے تمام افراد چین اور میانمار کے شہری ہیں جن میں سے 13 کی جان بچالی گئی ہے جبکہ 9 افراد کی تلاش جاری ہے۔
غیر ملکی خبر رساں ایجنسی کے مطابق ہانگ کانگ کے نام سے رجسٹرڈ کشتی نے مدد کا پیغام بھیجا تھا۔