مسلم لیگ کے سینئر رہنما شاہد خاقان عباسی نے پارٹی عہدے سے اپنے استعفے پر وضاحت دے دی۔
شاہد خاقان عباسی نے پارلیمنٹ ہاؤس کے باہر میڈیا سے گفتگو کرتے ہوئے کہا کہ پارٹی کے عہدے سے استعفیٰ دیا ہے لیکن پارٹی کے ساتھ ہوں، ہمیشہ اسی پارٹی کے ساتھ رہوں گا۔
انہوں نے کہا کہ مریم نواز لیڈرشپ پوزیشن میں آئی ہیں، مریم نواز کو اسپیس چاہیے۔
انہوں نے وضاحت دیتے ہوئے کہا کہ اگر ہم وہاں ہوں گے تو اختلاف رائے ہوگا جو کسی کیلئے مناسب نہیں ہے۔
شاہد خاقان عباسی نے مزید کہا کہ جب نئی جنریشن آتی ہے، پرانے لوگوں کو نئے کردار میں آنا پڑتا ہے۔
یاد رہے کہ شاہد خاقان عباسی نے پارٹی عہدے سے استعفیٰ دے دیا تھا اور ملک کی بہتری کے لیے ’ری امیجننگ پاکستان‘ کے فورم سے پاکستان کی فلاح و بہبود کا پیغام پھیلانے کا فیصلہ کیا ہے۔
بعد ازاں شاہد خاقان عباسی کے پارٹی عہدے سے استعفیٰ دینے کی وجہ سامنے آ ئی تو پتہ چلا کہانہوں نے مریم نواز کو اعلیٰ عہدہ دینے کے اگلے ہی دن استعفیٰ پارٹی قیادت کو بھجوایا تھا تاہم اس معاملے پر انہوں نے میڈیا کو کوئی بیان نہیں دیا تھا۔