ملک میں آزادانہ اور منصفانہ انتخابات کے ایجنڈے پر بات چیت کیلئے سول سوسائٹی کا وفد آج عمران خان سے ملاقات کرے گا۔
چیئرمین پی ٹی آئی عمران خان سے سول سوسائٹی کے وفد کی ملاقات شام 6 بجے زمان پارک میں ہوگی۔
ملاقات کا یک نکاتی ایجنڈا سیاستدانوں کو آل پارٹیز کانفرنس کے ذریعے بات چیت پر آمادہ کرنا ہے۔
وفد میں جماعت اسلامی کے لیاقت بلوچ، ایچ آر سی پی کے حسین نقی، سی پی این ای کے کاظم خان شامل ہیں۔
مجیب الرحمان شامی، صباحت ایڈووکیٹ، عابد ساقی بھی وفد کا حصہ ہوں گے۔
وفد کے دیگر اراکین میں راحیل چیمہ ایڈووکیٹ، خاور ممتاز، سہیل وڑائچ، محمد تحسین اور امتیاز عالم بھی شامل ہوں گے۔