اسلام آباد(خصوصی نامہ نگار) سیکٹر جی نائن ٹو میں آئس کے نشے سے منع کرنے پر دوست نے دوست کو فائرنگ کرکے قتل کر دیا۔تھانہ کراچی کمپنی کے مطابق مقتول احسان اللہ اپنے گہرے دوست جواد کو آئس کے نشے سے چھٹکارا دلانا چاہتا تھا ۔ مقتول منشیات سے چھٹکارا دلانے والے ادارے سے اس کا علاج کرانا چاہتا تھا۔جواد نے پتہ چلنے پر احسان اللہ کو گھر سے باہر بلوا کر گولیاں مار دیں جو موقع پر جاں بحق ہوگیا۔