کراچی ( اسٹاف رپورٹر) انٹر بینک اور اوپن مارکیٹ میں ڈالر کی قیمت میں استحکام،یورو کی قیمت میں 69پیسے تک اور پاؤنڈ کی قیمت میں 92پیسے تک کی کمی، فاریکس ایسوسی ایشن کی جاری کردہ رپورٹ کے مطابق بدھ کو روپے کے مقابلے پر انٹر بینک میں ڈالر کی قیمت خرید 278.20 روپے اور قیمت فروخت 278.40 روپے پر برقرار رہی ،اوپن مارکیٹ میں بھی ڈالر کی قیمت خرید 277.18 روپے اور قیمت فروخت 279.59 روپے پر مستحکم رہی ، فاریکس رپورٹ کے مطابق یورو کی قیمت خرید 66 پیسے کی کمی سے 300.53 روپے سے کم ہو کر 299.87 روپے اور قیمت فروخت 69 پیسے کی کمی سے 303.50 روپے سے کم ہو کر 302.81 روپے ہو گئی۔رپورٹ کے مطابق بدھ کو برطانوی پاؤنڈ کی قیمت خرید 88 پیسے کی کمی سے 353.22 روپے سے کم ہو کر 352.34 روپے اور قیمت فروخت 92 پیسے کی کمی سے 356.57 روپے سے کم ہو کر 355.65 روپے پر آگئی۔