کراچی ( اسٹاف رپورٹر) سونےکی قیمت میں 2400روپے فی تولہ کا اضافہ، تفصیلات کے مطابق عالمی مارکیٹ میں سونے کی قیمت 30 ڈالر فی اونس کے اضافے سے 2332ڈالر سے بڑھ کر 2362ڈالر فی اونس پر پہنچ گئی۔ عالمی مارکیٹ میں اضافے کے باعث مقامی مارکیٹ میں سونے کی قیمت 2400روپے فی تولہ کے اضافے سے 2 لاکھ 43ہزار روپے فی تولہ اور 10گرام سونے کی قیمت 2057روپے کے اضافے سے 2لاکھ 8 ہزار 333 روپے ہو گئی ہے تاہم چاندی کی قیمت 2800 روپے فی تولہ پر برقرار رہی۔