کراچی ( اسٹاف رپورٹر)انڈس موٹرز نے ایک بار پھر اپنا پر وڈکشن پلانٹ 6اگست 2024 سے 8اگست 2024تک عارضی طور پر بند کرنے کا اعلان کیا ہے ۔تفصیلات کے مطابق پاکستان میں ٹویوٹا برانڈ کی گاڑیاں بنانے والی کمپنی انڈس موٹر کمپنی لمیٹڈ (آئی ایم سی) نے پاکستان اسٹاک ایکسچینج (پی ایس ایکس) کو اپنے نوٹس میں اس پیش رفت سے آگاہ کرتے ہوئے کہا ہے کہ انوینٹری کی کم سطح اور سپلائی چین چیلنجز کی وجہ سے پیداواری پلانٹ عارضی طور پر بند کر نے کا فیصلہ کیا گیا ہے کمپنی کے پاس فی الحال خام مال اور اجزا کی انوینٹری کی کم سطح ہے اور مسلسل سپلائی چین چیلنجز کا سامنا ہے ، جس کے نتیجے میں گاڑیوں کی مینوفیکچرنگ کے لئے پرزوں اور اجزا کی قلت ہوگئی ہے۔