Advertisement

اسرائیلی ایجنسی سے منسلک کمپنی کو ٹھیکہ ، کمیٹی کو مطمئن کرنے میں پی ٹی اے ناکام

September 12, 2019
 

اسلام آ باد ( نیوز رپورٹر) سینیٹ کی قائمہ کمیٹی برائے کابینہ سیکرٹریٹ نےچیئرمین پی ٹی اے کی درخواست پر اجلاس کو ان کیمرہ کرتے ہوئے اسرائیلی خفیہ ایجنسی کے ساتھ کام کرنیوالی کمپنی کو انٹرنیٹ ٹریفنکنگ مانیٹرنگ کا ٹھیکہ دینے کے معاملہ پر تفصیلی غور کیا، یہ معاملہ سنیٹر مشتاق احمد نے وقفہ سوالات میں اٹھایا تھا کہ پی ٹی اے نے اسرائیلی انٹیلی جنس ایجنسی کی پارٹنر کو انٹر نیٹ ٹریفک کی مانیٹرنگ کا کنٹریکٹ ایوارڈ کر دیا ہے۔ بدھ کے روز یہ معاملہ ایجنڈے پرتھا لیکن اس ایشو کو ان کیمرہ کر دیا گیا ، چیئرمین پی ٹی اے قائمہ کمیٹی کو مطمئن کرنے میں ناکام رہے ،چیئرمین قائمہ کمیٹی طلحہ محمود کا اجلاس کے بعد کہنا تھا کہ ہم چیئرمین پی ٹی اے کی بریفنگ سے مطمئن نہیں ہیں ،حساس اداروں سے معاہدے سے متعلق رائے لی جائے گی،26 ستمبر کو معاملہ دوبارہ زیر بحث آئے گا ، ہم چاہتے ہیں حقائق عوام اور میڈیا کے سامنے لائے جائیں،جس کمپنی کے ساتھ کنٹریکٹ ہوا وہ ان ڈائریکٹ اسرائیلی خفیہ ایجنسی کے ساتھ منسلک ہے ، اب تک اس کمپنی کو کروڑوں روپے کی ادائیگیاں کی جاچکی ہیں۔


مکمل خبر پڑھیں