برطانیہ نے کورونا ویکسین کے استعمال کی منظوری میں جلد بازی کی، fauci

December 04, 2020

امریکی ماہربرائے وبائی امراض ڈاکٹر انتھونی فاؤچی نے کہا ہے کہ برطانیہ نے کورونا ویکسین کے استعمال کی منظوری دینے میں احتیاط کا مظاہرہ نہیں کیا۔

ڈاکٹر فاؤچی کا کہنا تھا کہ برطانیہ نے کورونا ویکسین کی منظوری دینے کے لیے امریکا کے برعکس ہر پہلو پر باریک بینی سے کام نہیں کیا، ایسا لگتا ہے برطانیہ نے اس معاملے پر جلد بازی سے کام لیا ہے۔

دوسری جانب برطانوی ریگولیٹر ادارے کے سربراہ کا کہنا ہے کہ کورونا ویکسین کے استعمال کی منظوری دینے میں ہر بات کا خیال رکھا گیا، ملک میں کسی بھی ویکسین کے استعمال کی منظوری انتہائی سخت پروٹوکولز مکمل کیے بغیر نہیں دی جائے گی۔