لاہور: لاک ڈاؤن کے دوران ایس ایچ او کا شہریوں پر تشدد، ویڈیو سامنے آگئی

May 09, 2021

لاہور کے انار رکلی بازار میں لاک ڈاؤن کے دوران شہریوں پر ایس ایچ او کے تشدد کی ویڈیو سامنے آگئی، ڈی آئی جی نے انکوائری کے بعد ایس ایچ او کو معطل کردیا۔

فوٹیج میں دیکھا جاسکتا کہ انار کلی بازار بند ہے اور پولیس اہلکار موٹر سائیکل سواروں پر ڈنڈے برسارہے ہیں۔

ایس پی سٹی کی انکوائری رپورٹ میں ایس ایچ او نیو انار کلی محمد احمد پر اختیارات سے تجاوز ثابت ہو گیا جس پر ڈی آئی جی آپریشنز نے ایس ایچ او کو معطل کردیا۔

ڈی آئی جی کا کہنا ہے کہ شہریوں سے ناروا سلوک ایس او پیز پر عملد رآمد کا کوئی طریقہ نہیں ہے۔