خیبر پختون خوا کے شہر نوشہرہ میں کنٹونمنٹ بورڈ الیکشن کے دوران پولیس نے کارروائی کر کے 2 افراد کو گرفتار کرلیا ہے۔
نوشہرہ پولیس نے جعلی بیلٹ پیپر تیار کرنے کے الزام میں دونوں افراد کو حراست میں لیا ہے، جن سے کمپیوٹر، پرنٹر اور جعلی مہریں برآمد ہوئی ہیں۔
ڈی پی او محمد اقبال کے مطابق پولیس نے کینٹ تھانے کے سامنے کمرشل پلازہ میں کارروائی کی ہے، ملزمان سے کمپیوٹر،پرنٹر، جعلی مہریں برآمد ہوئی ہیں۔
دوسری جانب آئی جی خیبر پختون خوا نے کہا کہ نوشہرہ میں کچھ لوگوں سے جعلی پولنگ مواد بھی برآمد ہوا ہے۔
انہوں نے مزید کہا کہ گرفتار افراد کے خلاف قانون کے مطابق کارروائی عمل میں لائی جائے گی۔
آئی جی خیبر پختون خوا نے یہ بھی کہا کہ صوبے میں کنٹونمنٹ بورڈ کے انتخابات پُرامن انداز میں ہوئے۔