لاہور(نیوزرپورٹر) شہباز شریف فیملی کے خلاف منی لانڈرنگ کیس میں ایف آئی اے نے ایک نجی بنک کے چیئرمین اور چیف ایگزیکٹو کو جعلی اکائونٹس سے ٹرانزیکشنز پر لیگل نوٹس جاری کردیا۔نوٹس جعلی اکائونٹس سے 25ارب روپے کی ٹرانزیکشنز پرجاری کیا گیاجس میں کہا گیا ہے کہ اکائونٹس 2008 سے 2018 تک رمضان شوگرملز کے کم آمدنی والے ملازمین کےنام پر بنائے گئے۔ کھاتہ داروں نے انکشاف کیا ہے کہ خفیہ ٹرانزیکشنز شہبازشریف خاندان کے نام پر تھیں ، ٹرانزیکشنز لاہور اور چنیوٹ کی بنک کی مختلف برانچز میں گئیں۔بینک افسران نے تسلیم کیا کہ ٹرانزیکشنز شریف فیملی،بینک انتظامیہ کے دباؤ پرکی گئیں، متعلقہ افسران انکشافات ریکارڈ پر لانے سے خوفزدہ ہیں۔نوٹس میں کہا گیا ہے کہ بنک نے2008 سے2018تک جعلی اکائونٹس پرایس ٹی آرنہیں بھجوائی ، بنک کے عہدیدار بینکرز پر تبدیلی بیان کے لیے دباڈال رہے ہیں۔