مردان: پاک فضائیہ کا تربیتی طیارہ گر کر تباہ

September 22, 2021


پاک فضائیہ کا چھوٹا تربیتی طیارہ خیبر پختون خوا کے ضلع مردان کے قریب گر کر تباہ ہو گیا۔

یہ بات پاک فضائیہ کے ترجمان نے جاری کیئے گئے ایک بیان میں کہی ہے۔

پاک فضائیہ کے ترجمان کا کہنا ہے کہ پاک فضائیہ کا تربیتی طیارہ معمول کی تربیتی پرواز کے دوران مردان کے قریب گر کر تباہ ہوا ہے۔

پاک فضائیہ کے ترجمان کا یہ بھی کہنا ہے کہ واقعے کی وجوہات جاننے کے لیے ایئر ہیڈ کوارٹرز نے اعلیٰ سطح کا بورڈ بنا دیا ہے۔