• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اٹک: پاک فضائیہ کا طیارہ گر کر تباہ، دونوں پائلٹ محفوظ


پاک فضائیہ کے ترجمان کا کہنا ہے کہ پاک فضائیہ کا لڑاکا تربیتی طیارہ تربیتی پرواز کے دوران اٹک کے قریب گر کر تباہ ہو گیا۔

ترجمان پاک فضائیہ نے بتایا ہے کہ اٹک کے قریب گرنے والے طیارے کے دونوں پائلٹ جہاز سے بحفاظت اترنے میں کامیاب ہو گئے۔

پاک فضائیہ کے ترجمان کا مزید کہنا ہے کہ طیارے کے گرنے سے زمین پر کسی قسم کے جانی نقصان کی کوئی اطلاع نہیں ملی ہے۔

ترجمان پاک فضائیہ کا یہ بھی کہنا ہے کہ پیش آنے والے واقعے کی وجوہات جاننے کے لیے ایئر ہیڈ کوارٹرز نے بورڈ تشکیل دے دیا ہے۔

قومی خبریں سے مزید