قومی کرکٹ ٹیم کے کھلاڑی شاداب خان نے وزیر اعظم عمران خان سے کی گئی ملاقات پر اپنے تاثرات کا اظہار کیا ہے۔
پاکستانی بالر شاداب خان نے اپنے ٹوئٹ پر وزیر اعظم عمران خان، چیئرمین پاکستان کرکٹ بورڈ، رمیز راجا اور دیگر ساتھی کھلاڑیوں کے ساتھ تصویر شیئر کی ہے۔
شاداب خان کا اپنی ٹوئٹ میں کہنا ہے کہ ’وزیراعظم عمران خان سے ملاقات خوشگوار رہی، انہیں پاکستان کے وزیر اعظم عمران خان سے مل کر بہت اچھا لگا۔‘
انہوں نے مزید لکھا ہے کہ ’وزیر اعظم عمران خان نے ہمیں ہمت اور حوصلہ دیا ہے اور کڑے وقت میں ہمیںخود پر اعتماد رکھنے کی تجویز دی ہے۔‘
شاداب خان کا کہنا تھا کہ ’سب سے اہم بات وزیر اعظم عمران خان نے کہا ہے کہ کڑے وقت کے دوران متحد رہیں، ہم اس تجاویز پر عمل کرنے کی بھرپور کوشش کریں گے۔‘
شاداب خان نے اپنے ٹوئٹ کے آخر میں پاکستان زندہ باد کے ہیش ٹیگ کا بھی استعمال کیا ہے۔