بھارتی فلموں کی سینئر اداکارہ بیگم فرخ جعفر 88 برس کی عمر میں انتقال کر گئیں۔
بھارتی میڈیا رپورٹس کے مطابق بیگم فرخ جعفر کا انتقال گزشتہ روز یعنی 15 اکتوبر کو ہوا، انہیں آج سُپردخاک کردیا گیا ہے۔
فرخ جعفر جون پور میں پیدا ہوئی تھیں، وہ اپنے پاس بھارت کی پہلی خاتون آر جے کا منفرد اعزاز رکھتی ہیں۔
انہوں نے امراؤ جان، سودیش، پیلی لائیو اور گلابو شتابو جیسی فلموں میں شاندار اداکاری سے مداحوں کے دل جیتے۔
فرخ جعفر کو فلم ’گلابو شتابو‘ میں بہترین اداکاری کے لیے فلم فیئر ایوارڈ بھی ملا تھا۔
فرخ جعفر نے بالی ووڈ کے تینوں خان کے ساتھ کام کیا ہے، فلم ’سودیش‘ میں انہوں نے شاہ رخ کے ساتھ کام کیا، ’پیپلی لائیو‘ میں عامر خان کے ساتھ کیا، اور ’سلطان‘ میں سلمان خان کے ساتھ اداکاری کے جوہر دکھائے۔