پاکستان کی آن، کوئٹہ کی شان، باکسر محمد وسیم نے ایک بار پھر ملک کا نام روشن کردیا۔ جنوبی کوریا میں ہونے والی فائٹ میں محمد وسیم نے فلائی ویٹ سلور کیٹیگری ٹائٹل کا کامیابی سے دفاع کیا ۔
فلپائن کا باکسر مسلسل سترہ مقابلے جیتا تھا، اٹھارواں پاکستانی باکسر سے ہار گیا، محمد وسیم کے گھرمیں خوشی کے شادیانے بجنے لگے، جیو محمد وسیم ۔
سائوتھ کوریا میں ہونیوالی ٹائٹل ڈیفنس فائٹ میں محمد وسیم نے اپنے سے کئی گنا زیادہ تجربہ کار باکسر کو بے بس کئے رکھا ، دونوں کے درمیان سنسنی خیز مقابلہ ہوا ، بارہ رائونڈز کے مقابلے میں دونوں باکسرز ایک دوسرے پر تابڑ توڑ حملے کرتے رہے لیکن مقابلہ پوائنٹس کی بنیاد پر وسیم کی فتح کے ساتھ ختم ہوا۔
وسیم نے یہ فائٹ جیت کرکے ڈبلیو بی سی فلائی ویٹ سلور بیلٹ پر اپنا قبضہ برقرار رکھا، یہ پروفیشنل باکسنگ میں محمد وسیم کی مسلسل پانچویں فتح ہے۔ مسلسل سترہ کامیابیاں حاصل کرنے والے گیمل میگرامو کے خلاف محمد وسیم کی جیت کے بعد ان کے گھر میں بھی جشن کا سماں ہے۔ وسیم کےعزیزواقارب اور اہل محلہ ان کے گھر پہنچ گئے، اس موقع پر خوب مٹھائی تقسیم کی گئی۔
فرمان الہی
نماز کے اوقات
