اپنا مشعال نہ بچا سکا،دوسروں کے مشعال بچانا چاہتا ہوں،اقبال خان

مقتول مشعال کے والد اقبال خان نے کہا ہے کہ میرا بیٹا تو واپس نہیں آسکتا تاہم دوسروں کے مشعالوں کو بچانے کی جدوجہد کر رہا ہوں۔

مردان یونیورسٹی میں قتل کیے گئے مشعال خان کے والد اقبال خان نے مردان میں سٹی مجسٹریٹ عاصم ریاض کی عدالت میں بیان قلمبند بیان قلمبند کرادیا۔

بیان ریکارڈ کرانے کے بعد میڈیا سے گفتگو کرتے ہوئے اقبال خان کا کہنا تھا کہ یونیورسٹی میں 11بجے شروع ہونے والا ڈرامہ 3بجے مشعال کے قتل پر ختم ہوا۔

انہوں نے مزید کہا کہ مشعال نے یونیورسٹی انتظامیہ کے خلاف دھرنا دیا تھا، ڈرامےکے اداکار تو پکڑے گئے لیکن ہدایت کاروں اور ماسٹر مائنڈ کو بھی شامل تفتیش کیا جائے۔

مقتول مشعال کے والد کا مزید کہنا تھا کہ یونی ورسٹی میں اتنا بڑا واقعہ ہوگیا لیکن حکام بالا کو اطلاع ملی نہ ہمیں مطلع کیا گیا۔