چین میں تیراکی کے سالانہ مقابلے کا انعقاد

19 جولائی ، 2017

دنیا بھر میں نوجوانوں اور بوڑھوں کی جسمانی طاقت کو آزمانے کے لئے کئی دلچسپ مقابلوں کا انعقاد کیا جاتا ہے ۔

اسی سلسلے میں چین کےکوانٹینگ دریا میں بھی تیراکی کے سالانہ مقابلے کا انعقاد کیا گیا جس میں نوجوانوں سمیت بوڑھے افراد بھی اپنی صلاحیتوں کے جوہر دکھاتے نظر آئے۔

دریا عبور کرنے کے اس دلچسپ مقابلے میں دو ہزار ماہر تیراکوں نے شرکت کی اور جیت کی اس دوڑ میں ماہرانہ انداز سے سوئمنگ کرتے ہوئے ایک دوسرے سے آگے نکلنے کی دھن میں مصروف دکھائی دئیے۔

واضح رہے اس منفرد مقابلے کا آغاز 2006میں کیا گیا تھا جس کے بعد سے ہر سال یہ مقابلہ خوب جوش و خروش سے منعقد کیا جاتا ہے اور مقابلے میں سب سے پہلے دریا عبور کرنے والے شخص کو انعام سے نوازا جاتا ہے۔

تازہ ترین