امریکی صدر ٹرمپ کے فوج میں خواجہ سرائوں کو بھرتی نہ کرنے کے فیصلے کے خلاف امریکا بھر میں احتجاج کا آغاز ہوگیا۔
غیر ملکی میڈیا کے مطابق خواجہ سرائوںنے صدر ٹرمپ کے فیصلے کی شدید مذمت کی ہے۔امریکی صدر ٹرمپ ایک اور متنازع فیصلے کے باعث تنقید کی زد میں آگئے ہیں۔ ڈونلڈ ٹرمپ نے خواجہ سرائوں کی فوج میں نوکری پر پابندی کا اعلان ٹوئٹر پر کیا۔
ٹرمپ نے ٹوئٹ میں کہا کہ خواجہ سرا اب فوج میں کسی قسم کا کام نہیں کرسکتے۔ٹرمپ کے اعلان پر خواجہ سرا، ڈیموکریٹ ارکان کانگریس اور دیگر تنظیموں نے سخت تنقید کی ہے۔
ٹائمز اسکوائر میں سیکڑوں خواجہ سرائوں نے ٹرمپ کے فیصلے کے خلاف احتجاج کیا اور ٹرمپ مسٹ گو کے نعرے لگائے۔