بلاول بھٹو نےلاڑکانہ میں امراض قلب کے اسپتال کا افتتاح کردیا

چیئرمین پیپلز پارٹی بلاول بھٹو زرداری نے اندرون سندھ کے پہلے نیشنل انسٹی ٹیوٹ آف کارڈیو ویسکیولر ڈیزیز کا افتتاح کیا ،35کروڑ روپے سے بننے والے اس سینٹر میں ابتدائی طور پر 12 کمرے تعمیر کئے گئے ہیں۔

لاڑکانہ میں امراض قلب کے اسپتال کے افتتاح کے موقع پر بلاول بھٹو نے کہا کہ پیپلزپارٹی سب کا بلاتفرق احتساب ہونا چاہیے،یہ وقت ذاتی مفاد کو پس پشت ڈال کر قومی مفاد کو ترجیح دینے کا ہے۔

بلاول بھٹو زرداری نے کہا ہے کہ نواز شریف کی نااہلی سے جمہوریت یا پارلیمنٹ کو کوئی نقصان نہیں پہنچے گا،ہم احتساب کے عمل پر یقین رکھتے ہیں۔

سینٹر کے لئے انجیو گرافی ،انجیو پلاسٹی کے لئے کیتھ لیبارٹری ،وینٹی لیٹرز اور متعلقہ مشینری ،این آئی سی وی ڈی 2 ماہ پہلے فراہم کی گئی ہیں۔

اسپتال میں 3 ماہرین امراض قلب سمیت 25افراد پر مشتمل عملہ بھی متعین کردیا گیا ہے، اس سینٹرمیں اب تک 175مریضوں کی انجیو گرافی اور انجیوپلاسٹی مفت کی جاچکی ہے ،یہاں اندرون ملک سمیت سندھ اور بلوچستان کے مریضوں کا مفت علاج کیا جائے گا۔