چین کے ریسرچ سینٹر میں4 ننھے پانڈوں کو عوام کے سامنے پیش

ننھے منے بچوں کی دلچسپ ادائیں دیکھنے والوں کو اپنا گرویدہ بنا لیتی ہیں اورچین کے ایک ریسرچ سینٹر میں بھی آج کل ننھے مہمانوں نے سب کو اپنا گرویدہ بنایا ہوا ہے۔

چین کے صوبے شانسی میں واقع ایک ریسرچ سینٹر میں4ننھے پانڈوں کو پہلی بارعوام کے سامنے پیش کر دیاگیا ہے ۔

یہ ننھے پانڈے مکمل طور پر صحت مند ہیں جن کی دیکھ بھال میں چڑیا گھر انتظامیہ ہر وقت مصروف نظر آتی ہے۔ان میں سے تین پانڈے 3ماہ قبل جبکہ ایک پانڈا گذشتہ ماہ پیدا ہوا تھا۔

واضح رہے کہ ان ننھے پانڈوں کو نام دینے کیلئے انتظامیہ نے عوام سے تجاویز مانگی ہیں جبکہ تین پانڈے گود لینے کیلئے بھی دستیاب ہیں۔