ترکی ميں سکیورٹی فورسز کی دہشت گردی کے خلاف کارروائیوں میں مزید100 کے قریب مشتبہ افراد کو حراست ميں لے ليا گيا ہے۔
ترک پوليس کے مطابق سکیورٹی فورسز نے جمعہ کے روز استنبول میں چھاپے مارکر 82 غير ملکیوں کو حراست ميں ليا، جن پر شبہ ہے کہ وہ جنگجویانہ مقاصد کے لئے شام جانے کی منصوبہ بندی کر رہے تھے، تاہم ان غیر ملکیوں کی شہریت نہیں بتائی گئی۔
جنوبی صوبے ادانہ سے 11 شامی شہريوں کو حراست ميں ليا گيا اور دیگر 7کو ازمير شہر سے گرفتار کيا گياجبکہ حراست میں لئے گئے افراد پر داعش کے ساتھ روابط رکھنے کا شبہہ ہے۔
ترک پولیس نے ایک روز قبل دارالحکومت انقرہ ميں چھاپوں کے دوران 100 سے زائد افراد کو گرفتار کیا تھا۔