| |
Home Page
جمعرات 04 ربیع الاوّل 1439ھ 23 نومبر 2017ء
November 14, 2017 | 08:14 pm

برطانوی بحریہ کے سربراہ کا نیول ہیڈ کوارٹرز اسلام آباد کا دورہ

British Naval Chief Visits Naval Headquarters Islamabad

فرسٹ سی لارڈ اور برطانیہ کی رائل بحریہ کے سربراہ ایڈمرل سر فلپ جانز نے نیول ہیڈ کوارٹرز اسلام آباد کا دورہ کیا جہاں انہوں نے پاک بحریہ کے سربراہ سے ملاقات کی۔

ترجمان پاک بحریہ کے مطابق نیول ہیڈ کوارٹرز آمد پر پاک بحریہ کے سربراہ ایڈمرل ظفر محمود عباسی نے ایڈمرل سر فلپ جانز کا استقبال کیا۔

ترجمان پاک بحریہ کا مزید کہنا ہے کہ اس موقع پر پاک بحریہ کے چاق و چوبند دستے نے معزز مہمان کو سلامی پیش کی۔

پاک برطانیہ نیول سربراہان کی ملاقات کے دوران پیشہ ورانہ اُموراور دونوں ممالک کی بحری افواج کے مابین تعاون کے مختلف شعبوں پر تبادلہ خیال کیا گیا۔

ترجمان پاک بحریہ نے بتایا ہےکہ معزز مہمان کو خطے کی میری ٹائم صورت حال میں پاک بحریہ کے کردار اور بحرِ ہند میں پاک بحریہ کی آپریشنل تیاریوں پربریفنگ دی گئی۔

برطانیہ کی رائل بحریہ کے سربراہ نے نیول ہیڈکوارٹرز میں قائم یادگارِ شہداءپر پھولوں کی چادر بھی چڑھائی۔