شہریار خان نے ٹی ٹین لیگ کو سرکس قرار دیدیا

پاکستان کرکٹ بورڈ کے سابق چیئرمین شہریار خان نے متنازعہ ٹی 10 لیگ کو سرکس قرار دیدیا۔

پی سی بی کے سابق چیئرمین نے کہا کہ اس طرز کی کرکٹ سے کھیل کی ساکھ کو نقصان پہنچاکر فائدہ اٹھانا ٹھیک نہیں۔

’جیو سوپر‘ کے پروگرام ’بولیں کیا بات ہے‘ میں گفتگو کرتے ہوئے شہریار خان نے کہا کہ ٹی 10 لیگ سے کھیل کو نقصان ہوگا، اس طرح کے سرکس کو سپورٹ کرنا سراسر غلط فیصلہ ہے۔

انہوں نے یہ بھی کہا کہ 4 لاکھ کیا، 10 لاکھ ڈالر بھی ملتے تو کرکٹ کی ساکھ پر سودے بازی نہیں کرنی چاہئے تھی۔

شہریار خان نے مزید کہا کہ پی ایس ایل ہمارا پراڈکٹ ہے، پی ایس ایل فرنچائز مالکان کو یو اے ای میں ہونیوالی مختصر کرکٹ کی وجہ سے نقصان کا سامنا کرنا پڑ سکتا ہے۔