سیکورٹی صورتحال، آرمی چیف بند کمرے میں سینیٹ کو بریفنگ دیں گے

آرمی چیف جنرل قمر جاوید باجوہ 19 نومبر کو سینیٹ کی پورے ایوان پر مشتمل کمیٹی کو قومی سیکورٹی کی صورت حال خصوصا ً حالیہ بیرون ملک دوروں کے تناظر میں بریفنگ دیں گے ۔

آرمی چیف کے ہمراہ ڈی جی ملٹری آپریشن بھی سینیٹ کے پورے ایوان پر مشتمل کمیٹی کو سیکورٹی صورتحال سے آگاہ کریں گے۔

سینیٹ کی پورے ایوان پر مشتمل کمیٹی کا اجلاس منگل کو صبح دس بجے طلب کر لیا گیا ہے ۔ پورے ایوان پر مشتمل کمیٹی خطے خصوصا امریکاکے کردار کے حوالے سے پالیسی گائیڈ لائنز تیار کر رہی ہے۔

آرمی چیف ڈی جی ملٹری آپریشنز کے ہمراہ پورے ایوان کی کمیٹی کو پاکستان کے لیے پیدا ہوتی قومی سیکورٹی کی صورتحال خصوصاً ان کے حالیہ بیرون ممالک دوروں اور موجودہ صورت حال پر ایوان کو اگاہ کریں گے ۔

ذرائع کے مطابق آرمی چیف حالیہ دورہ سعودی عرب اور ایران کے حوالے سے بھی ایوان کو بریف کریں گے ۔