کم آمدنی والوں کو سستا پٹرول دینے کا منصوبہ بنایا جائے، وزیر اعظم کی ہدایت

حکومت نے کم آمدنی والوں کے لیے پٹرول پر سبسڈی دینے سے متعلق منصوبے کی تشکیل شروع کردی۔

اسلام آباد میں وزیر اعظم کی زیر صدارت پارٹی رہنماؤں کا اجلاس ہوا، جس میں عمران خان نے کم آمدنی والوں کو سستا پٹرول دینے کا منصوبہ بنانے کی ہدایت کی۔

ذرائع کے مطابق منصوبے کے تحت موٹرسائیکل، رکشہ اور عوامی سواری چلانے والوں کو سبسڈی ریٹ پر پٹرول ملے گا۔

پاکستان دنیا کا چوتھا مہنگا ترین ملک بن گیا

دنیا کے 43 مہنگے ممالک میں پاکستان نے چوتھی پوزیشن حاصل کرلی۔

ذرائع کے مطابق وزیراعظم نے موٹر سائیکل، رکشہ اور عوامی سواری والوں کو پٹرول پر سبسڈی دینے کا پلان اگلے ہفتے پیش کرنے کی ہدایت کردی۔

اجلاس میں طے پایا کہ مہنگائی کم کرنے کے لیے ضلعی سطح پر کمیٹیاں تشکیل دی جائیں۔

کیا مہنگائی کے حساب سے تنخواہیں بھی بڑھیں گی؟ مفتاح اسماعیل کا سوال

مسلم لیگ (ن) کے سینئر رہنما مفتاح اسماعیل نے استفسار کیا کہ عالمی مالیاتی ادارے (آئی ایم ایف) سے 1بلین ڈالرز لانے کے لیے پٹرول مزید 30 روپے مہنگا کردینا کیسی کامیابی ہے؟

وزیراعظم کی زیرصدارت اجلاس میں ملکی معاشی اور مہنگائی سے پیدا صورتحال کا جائزہ لیا گیا۔

ذرائع کے مطابق اس موقع پر یوٹیلٹی اسٹورز کے ذریعے کم آمدن افراد کو ٹارگٹڈ سبسڈی دینے کا فیصلہ بھی کیا گیا۔