بابر اعظم کی تکنیک ویرات کوہلی سے بہتر ہے، انضمام الحق

پاکستان کرکٹ ٹیم کے سابق کپتان انضمام الحق نے بابر اعظم کی تکنیک کو ویرات کوہلی سے بہتر قرار دیا ہے۔

جیو نیوز سے گفتگو میں انضمام الحق نے پاکستان اور بھارتی ٹیم کے کپتانوں کا موازنہ کیا اور کہا کہ بابر اعظم اور ویرات کوہلی دونوں ہی عظیم پلیئرز ہیں۔

انہوں نے کہا کہ اگر تکنیک کا موازنہ کروں تو بابراعظم کی تکنیک، ویرات کوہلی سے بہتر لگتی ہے، جس طرح بابر بیٹنگ کر رہا ہے، مجھے لگتا ہے وہ سارے ریکارڈ توڑ دے گا۔

عثمان بزدار کے نزدیک پاک بھارت میچ کی حیثیت فائنل کے برابر

وزیراعلیٰ پنجاب سردار عثمان بزدار نے قومی کرکٹ ٹیم کےلیے نیک خواہشات کا اظہار کیا ہے۔

سابق کپتان نے مزید کہا کہ ویرات نے بھی اپنے ملک کیلئے بہت پرفارمنس دی ہیں، لیکن اس میں جارح مزاجی بہت زیادہ ہے۔

اُن کا کہنا تھا کہ بابر نے جتنی کرکٹ کھیلی ہے، اس کے حساب سے کوہلی سے ریکارڈ بہتر ہے، پاکستانی کپتان کو ابھی اپنے کیریئر کی اونچائی کو چھونا ہے۔

چاچا کرکٹ کی دلی خواہش پوری، پاک بھارت میچ کا ٹکٹ مل گیا

پاکستان کے مشہور کرکٹ فین چچا کرکٹ کی دلی خواہش پوری ہوگئی۔

انضمام الحق نے یہ بھی کہا کہ بابر کا بہترین کھیل اب بھی سامنے آنا باقی ہے، بیٹسمینوں کی زندگی 30 سال کی عمر کے بعد شروع ہوتی ہے۔

انہوں نے کہا کہ پاک بھارت میچ میں کوہلی پر زیادہ پریشر ہوگا، بابر پر بھی دباؤ ہوگا، بھارتی کپتان پر اضافی پریشر اس لئے ہے کہ یہ بطور کپتان آخری ٹورنامنٹ ہے۔

پاک بھارت میچ: ماریہ واسطی کا جوش و جذبے سے بھرپور پیغام

پاکستانی اداکارہ ماریہ واسطی نے کہا ہے کہ پاک بھارت کرکٹ مقابلہ صرف ایک میچ نہیں بلکہ اُس سے بڑھ کر ہوتا ہے۔

سابق کپتان نے مزید کہا کہ بابر اعظم کی رنز کیلئے بھوک اس کو دوسروں سے بہتر بناتی ہے، میں نے کسی اور بیٹسمین میں رنز کی اتنی بھوک نہیں دیکھی۔