بالا خاتون کی نئی تصویر نے مداحوں کو پریشان کردیا

عظیم سلطنت عثمانیہ پر بننے والی مشہور ترک سیریز ’ارطغرل غازی‘ کے سیکوئل ’کورولش عثمان‘ کی پروڈکشن ٹیم کی جانب سے شیئر کی گئی بالا خاتون کی نئی تصویر نے مداحوں کو پریشان کردیا ہے ۔

اس سیریز کے تیسرے سیزن کی چوتھی قسط آج نشر ہوگی اور مداحوں کو یہ جاننے کے لیے بہت بے صبری سے انتظار ہے کہ اگلی قسط میں بالا خاتون کے ساتھ کیا ہونے والا ہے۔

’کورولش عثمان‘ کی پروڈکشن ٹیم نے سیریز کے آفیشل انسٹاگرام اکاؤنٹ پر اس سیریز کی اگلی قسط کی کچھ تصاویر شیئر کی ہیں۔

ان تصاویر میں ایک بالا خاتون کی تصویر بھی ہے جس میں وہ شدید زخمی حالت میں نظر آرہی ہیں ۔

ان تصاویر کو شیئر کرتے ہوئے پوسٹ کے کیپشن میں لکھا گیا ہے کہ ’ عثمان بے کے انتقام کی آگ ٹیکفورس کو جلا دے گی!‘

ترک اداکارہ اوزگے تورے نےسیریز ’کورولش عثمان‘ میں ارطغرل غازی کے بیٹے اور سلطنت عثمانیہ کے بانی عثمان بے کی بیوی کا کردار ادا کیا ہے۔

کورلش عثمان کی مقبولیت میں اضافہ

سلطنت عثمانیہ پر بننے والی تاریخی ترک سیریز ’ارطغرل غازی‘ کے سیکوئل ’کورلش عثمان‘ نے مقبولیت کے نئے ریکارڈ قائم کردیے۔

واضح رہے کہ تاریخی تُرک سیریز جو کہ سلطنت عثمانیہ کے بانی عثمان غازی کی زندگی کی حقیقی کہانی پر مبنی ہے، اس وقت اردو زبان میں ڈب کر کے جیو ٹی وی پر بھی نشر کی جا رہی ہے۔