• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شعیب ملک نے کہا تھا آج تمہارا دن ہے: آصف علی

گزشتہ روز ہونے والے میچ میں نیوزی لینڈ کے خلاف شاندار چھکے مارنے والے قومی کرکٹر آصف علی نے کہا ہے کہ نیوزی لینڈ کے خلاف میچ میں کریز پر پہنچا تو شعیب ملک نے کہا آج تمہارا دن ہے۔

اپنے ایک بیان میں آصف علی نے کہا کہ بیٹنگ کے لیے جارہا تھا تو یہی سوچ رہا تھا کہ میچ جیتنا ہے، بھارت کے خلاف میچ اہم تھاجبکہ نیوزی لینڈ سے میچ جیتنا بہت ضروری تھا۔

آصف علی نے کہا کہ پریکٹس میچ کے دوران شعیب ملک رہنمائی کرتے رہے ہیں کہ وکٹ پر ٹھہرنا ہے۔

اُنہوں نے کہا کہ شعیب ملک نے کہا اپنی مرضی سے کھیلو لیکن سامنے ٹارگٹ رکھنا۔  

آصف علی کا مزید کہنا تھا کہ وکٹ پرگیند سلو اور نیچے آرہا تھا شاٹ کھیلنا آسان نہیں تھا جبکہ بیک فٹ پر چھکا مارنا مشکل ہوتا ہے۔

کھیلوں کی خبریں سے مزید