میرپورخاص ( نامہ نگار) پی سی بی ریجنل انٹر ڈسٹرکٹ انڈر 19کرکٹ ٹورنامنٹ میں میرپورخاص کی ٹیم نے سانگھڑ کو 9 وکٹوں سے ہرا دیا، میرپورخاص کے نعمت خان نے 170 رنز بنائے۔ دو روزہ میچ میں ناکام ٹیم نے پہلی اننگ میں 236رنز بنائے کپتان واجد علی شاندار 130، وقار جاوید 31 اور کلیم اختر 23 رنز بنا کر نمایاں رہے، فہیم احمد نے 4 اور رمیش نے 3 وکٹ لیے ۔ جواب میں میرپورخاص نے پہلی اننگز میں 340رنز بنا ئے، نعمت خان نے 30 چوکوں اور 1چھکے کی مدد سے 170 رنز کی اننگز کھیلی ، محمد سلیمان نے 68اور زنیر اشرف نے 39 رنز بنائے۔ وقار علی نے 4 وکٹیں حاصل کیں۔ دوسری اننگز میں سانگھڑ کی ٹیم 131رنز بناکر آؤٹ ہوگئی فہد علی 35 اور وقار علی 24 رنز بنا سکے۔ محمد سلیمان اور فدا حسین نے 3،3 جبکہ فہیم احمد نے 2 شکار کیے۔ میرپورخاص کو میچ جیتنے کے لئے 28رنز کا ہدف ملا جو کہ اس نے ایک وکٹ کے نقصان پر حاصل کر لیا۔
فرمان الہی
نماز کے اوقات
