• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

قومی یکجہتی کیلئے کچھ معاملات میں مذہب اہمیت رکھتا ہے، قبلہ ایاز

سربراہ اسلامی نظریاتی کونسل ڈاکٹر قبلہ ایاز کا کہنا ہے کہ قومی یکجہتی کیلئے کچھ معاملات میں مذہب اہمیت بھی رکھتا ہے، قیامِ پاکستان کے بعد مذہبی ہم آہنگی لانے کے لیے 22 نکات لائے گئے۔

پاکستان کے قومی بیانیئے سے متعلق کانفرنس سے خطاب کرتے ہوئے ڈاکٹر قبلہ ایاز نے کہا کہ ماضی قریب میں دیکھا گیا کہ ریاست کے اندر ریاست تھی۔

انہوں نے کہا کہ حکومت نے گزشتہ دنوں مندر تعمیر کی اجازت دی، کچھ افراد نے مندر کی جگہ فساد کیا، پاکستان کو عالمی سطح پر شرمندگی ہوئی۔

قبلہ ایاز نے بتایا کہ اسلام آباد میں مندر کے معاملے پر پاکستان کو سفارتی سطح پر بھی شرمندگی ہوئی، پاکستان کا بابری مسجد کے معاملے پر واضح مؤقف تھا۔

ان کا مزید کہنا ہے کہ اسلامک آئیڈیالوجی نے مندر بنانے کی اجازت دینے کا فیصلہ 3 ماہ میں کیا، شریعت اور قانون غیر مسلموں کو اپنے عقائد کے مطابق زندگی گزارنے کی اجازت دیتا ہے۔

قومی خبریں سے مزید