گھوٹکی( نامہ نگار) ایس ایس پی گھوٹکی مسعود بنگش کی ہدایت پر پولیس نے کاروائی کرتے ہوئے 5 مفرور ملزمان قطب الدین بھٹو ، الاھی بخش کوش ، حضور بخش کوش ، میوو کوش کو گرفتار کیا ہے۔ پولیس کے مطابق گرفتار ملزمان پر اغوا ، ڈکیتی ، قتل اور لوٹ مار کے مقدمات درج تھے ۔گھوٹکی پولیس نے دوسری کاروائی کرتے ہوئے منشیات کا کاروبار کرنے والے ظھور سومرو کو گرفتار کرکے اسکے قبضے سے 5 کلو گرام بھنگ برآمد کی ہے دوسری طرف رونتی پولیس نے ایک ملزم قابل کوش کو مبینہ مقابلے کے بعد زخمی حالت میں گرفتار کرکےاسکے قبضے سے اسلحہ برآمد کیا ہے ڈھرکی پولیس نے گاؤں کنڈل کوبھر میں کاروائی کرکے ڈاکو صاحبڈنو کو پانچ ساتھیوں سمیت گرفتار کیا ہے جبکہ دوسری جانب ڈھرکی پولیس نے لیبر کا لونی میں ھری لعل مینگھوار کے گھر پر چھاپہ مارکر جو ئے کا اڈا چلانے پر سا ت افراد کو گرفتار کرکے مقدمہ درج کرلیا ہے ۔پولیس نے کاروائی کرتے ہوئے ایک مفرور ملزم سردار لغاری کو گرفتار کیا ہے جبکہ سی آئی اے پولیس نے کاروائی کرتے ہوئے 4 مفرور ملزم کو گرفتار کرنے کا دعوی کیا ہے اس سلسلے میں رابطہ کرنے پر ایس ایس پی گھوٹکی مسعود بنگش نے بتایا کہ ضلع گھوٹکی کے مختلف تھانوں کی پولیس نے مفرور ملزمان سمیت منشیات فروشوں اور جواریوں کے خلاف بھرپور کاروائی کی ہے۔
فرمان الہی
نماز کے اوقات
