فرمان الہی
نماز کے اوقات
ممبئی کروز شِپ منشیات کیس میں گرفتار بیٹے آریان خان کی ضمانت منظور ہونے کی خبر سُن کر بالی ووڈ کنگ شاہ رخ خان کی اہلیہ گوری خان گھٹنوں کے بل بیٹھ کر روئیں۔
بھارتی میڈیا رپورٹس کے مطابق گزشتہ روز جب گوری خان کو اپنے بیٹے آریان خان کی ضمانت کے حوالے سے اطلاع موصول ہوئی تو وہ اپنے جذبات پر قابو نہ پاسکیں۔
میڈیا رپورٹس کے مطابق گوری خان بیٹے کی ضمانت پر خوشی سے روئیں اور اُنہیں گھٹنوں کے بل بیٹھے رو کر شکر ادا کرتے ہوئے دیکھا گیا۔
دوسری جانب شاہ رخ خان کی بیٹی سہانا خان نے امریکا اور برطانیہ میں آریان کے دوستوں سے بات کی اور ان کی حمایت کے لیے ان کا شکریہ ادا کیا۔
واضح رہے کہ شاہ رخ خان کے بیٹے آریان خان کو منشیات برآمدگی کیس میں بلآخر ضمانت مل گئی۔
میڈیا رپورٹس کے مطابق آریان خان کے ساتھ ساتھ اس کیس میں گرفتار ارباز مرچنٹ اور مونمون دھامیچا کی بھی ضمانت منظور ہوگئی ہے۔
خیال رہے کہ بھارت کے انسداد دہشت گردی کے ادارے نارکوٹکس کنٹرول بیورو (این سی بی) نے ممبئی میں ساحل کے قریب کروز شپ پر پارٹی کے دوران چھاپا مارکر شاہ رخ خان کے بیٹے آریان خان اور ان کے دوست ارباز مرچنٹ کو گرفتار کیا تھا۔
